1. Hver ert þú?
2. Erum við vinir?
3. Hvenær hittumst við fyrst og hvernig?
4. Ertu hrifin(n) af mér?
5. Langar þig að kyssa mig?
6. Láttu mig hafa gælunafn og útskýrðu afhverju þú valdir það.
7. Lýstu mér í einu orði.
8. Hvernig leist þér á mig þegar þú sást mig fyrst?
9. Lýst þér ennþá þannig á mig?
10. Hvað minnir þig á mig?
11. Ef þú gætir gefið mér eitthvað hvað myndi það vera?
12. Hversu vel þekkiru mig?
13. Hvenær sástu mig síðast?
14. Hefur þig einhvern tíman langað til að segja mér eitthvað en ekki getað það?
15. Ætlaru að setja þetta á bloggið þitt svo ég geti skrifað um þig?

Íslandsmótið innanhús í morgun, mér tókst að spila í 6 mínútur, lenti í því að einhver fagmaður úr Aftureldingu tók sig til og lenti svona helvíti illa á hægri hendinni eftir að ég hafi varið frá honum. Betra að taka það fram. Nettur. Þurfti að fara útaf enda handleggurinn farinn að bólgna mikið. Var sendur uppá slysó og þar var mér sagt að ég þyrfti ekki myndartöku þar sem ég gat hreyft handlegginn. Gott mál. Ætla að mæta í úrslitin á morgun.

Annars er þessi próf tíma á enda kominn. Seinustu tvö á þriðjudaginn og maður ætlar að klára þau með sæmd, annað er rugl. Fer svo mjög líklega beint í vinnu, Árni Freyr kominn með vinnu í Ölgerðinni þannig við verðum mikið saman um jólin. Mjög mikilvægt í þessari vinnu að hafa einhvern nettan sér við hlið. Annars er þetta frekar glatað.

Leikur með 2. flokki í gær á móti Víking. Unnum 2-1 og okkur vantaði 2 sterka leikmenn, þannig þetta stefnir vonandi allt í rétta átt hjá okkur sem er gott.

Ég er búinn að finna tvífara Peter Crouch á Íslandi og það er enginn annar en Andri Júlíusson, skagamaður. Heppinn.

Íslenska: Ágætlega

Enska: Ekkert spes, frekar illa

Félagsfræði: Ætla að rústa því, enda frekar easy

Franska: Ætla að ná því vel, á að vera frekar létt

Já takk fyrir. Ég er í fantaformi, tók 400 metra sprettinn með bolta á 1 mín og 35 sek. Vel gert. Mætti á æfingu og sá strax eftir því að hafa ekki mætt fyrr, félagar mínir í FH að spila á móti Fylki. Sá ekki mikið, en það sem ég sá var gott hjá þeim. Eru sterkir.

Nú er klukkan 2:00 og íslenskupróf á morgun. Ef ég næ þessu prófi þá er það allt Áslaugu og Bellu að þakka, þær eru nettar. Búnar að bjarga mér algjörlega.

Enskan á fimmtudaginn, þýðir ekkert annað en að fara með morgundaginn í það. Læra og læra, vonandi skilar það manni einhverju.

Próflok 6. des, þá kemur kærkomið jólafrí. Verð í fríi í sirka viku áður en ég byrja að vinna. Ætla taka enn eina jólatörnina hjá Egils. Djöfull gæfi ég mikið fyrir að eiga pening og þurfa ekki að vinna. Afhverju kemur ekki allt upp í hendurnar á manni? Ég vil það. Nenni engan veginn að vera hafa fyrir hlutunum.

En jæja smá lörn í viðbót og svo beint í háttinn. Vakna snemma í fyrramálið.

Góða nótt kæru landsmenn og vegni ykkur vel í prófunum sem nú eru að detta inn. Þeir sem ég þekki ekkert og eru eitthvað að ruglast á þessa síðu, þá bendi ég þeim á að ég óska þeim ekki velgengi í prófunum því ég þekki þá ekkert. Vona að þeir falli. Djók. Djókari...

Að hlusta á jólalög er eitthvað sem allir ættu að gera. Það er ekki asnalegt og glatað. Það er kúl. Þér líður vel. Ég fæ svona litlu barna filing ( reyndar er ég lítill ) og það er gaman. Jólalögin hreinsa líkamann frá öllu hversdagsleikanum, öllu þeim áhyggjum sem honum fylgja  Ég er reyndar mjög rólegur í tíðinni og hef litlar áhyggjur af því sem er að gerast í kringum mig. Það er allt eitthvað svo gott í jólalögunum og það fær mann til að líða vel, mér líður vel.

Nú er systir mín að spila á blokkflautuna sína inn í stofu afþví það er verið að róta eitthvað til í herberginu hennar. Ég er smá pirraður á því, samt er ég að hlusta á jólalög og ef ég nenni með Helga Bjöss er einmitt á fóninum núna. Mjög gott lag, en falskur flautuhljómurinn er að skemma lagið fyrir mér. Systir mín er reyndar alveg ágæt á blokkflautuna, en þar sem ég þekki ekkert þetta hljóðfæri frekar en eitthvað annað þá finnst mér allt sem hún gerir vera falskt. Gaman af því.

Prófin að nálgast og ég á að vera að læra núna. Ég nenni því ekki, og kem eflaust ekkert til að nenna því í dag/kvöld. Ég er alveg vel smeikur fyrir tvö próf, ensku og íslensku en ef allt fer á vesta veg í þeim ætti það svosem ekkert að koma eitthvað niður á mér því ég næ öllu hinu vel. Ég er búinn að bregðast sjálfum mér á þessari önn því ég lofaði mér því að ég myndi læra og vera geðveikt duglegur, en það hefur farið eitthvað annað. Var að velja mér fög fyrir næstu önn og það er óhætt að ég hafi hlaðið á mig einingum fyrir hana, ég GÆS standa mig.

Ástæðan fyrir þessu bloggleysi mínu var tímaleysi, þurfti að skila helling af verkefnum í skólanum og svo eru æfingar byrjaðar á fullu. Því miður þá sé ég ekki fram á það að ég muni hafa meiri tíma á næstunni en ætla þó að reyna að skella inn einni og einni færslu svona við tækifæri.

Take care people

Jæja, þá er kominn tími á eina góða færslu. Margt hefur verið að gerast í lífinu, og ég elska lífið. Mánuður eftir af skólanum og þá taka við 6 próf. Ég held að ég gæti verið tæpur á að ná ensku og kannski íslensku, hef ekki verið að gera neitt svaka mót í þessum fögum. Ég verð kominn í jólafrí 6. des, fílaða. Fótboltinn er að komast í gang núna, byrjar frekar hægt en maður verður þá bara að leggja meira á sig á æfingum og æfa svo aukalega. Ég hef ekki verið eins duglegur við það og ég ætlaði mér að vera. En það er bara að byrja núna...

Ástæðan fyrir því að ég bloggað lítið er sú að tölvan heima er í fokki og er búinn að gera mig þunglyndan. Ég er nefnilega tölvufíkill og á erfitt með að vera frá tölvu í meira en einn dag. Þá verð ég ónýtur.

Valur fór út til London á föstudaginn, yfir helgina. Fóru á leik Chelsea og Blackburn. Ég fór ekki með, sé mjög eftir því en ástæðan fyrir því var algjört peningaleysi. Svekkjó

Tveir leikir búnir hjá 2. flokki. Spiluðum fyrst við Stjörnuna og tókum þá easy 3-1 og svo var næsti leikur frekar vafasamur 6-2 tap fyrir félögum mínum og vinum í FH. Sumarið hjá okkur á eftir að vera mjög erfitt. Við erum ekki með neitt gríðarlega sterkt lið en sem betur fer er verið að vinna í því að styrkja það.

Tími

 Jæja, hver er heimurinn eiginlega að fara? Hvar endar þetta?

http://www.b2.is/?sida=tengill&id=130022

Allavega, netið er búið að vera í sósu og ég hef ekkert komist í það að blogga. Það mun detta inn feit færsla hér á næstu sekúndum, mínútum, klukkutímum, sólahringum, næsta ári, næstu árum, næstu öld, næstu öldum...

 

Ég er farinn að finna vel fyrir þeirri þörf að fara út að spila fótbolta með strákunum, þar að segja að fara á æfingu. Nú er ég búinn að vera í fríi síðan föstudaginn 23. September og það er kominn 17. október. Þetta eru búnar að vera góðar 3 vikur, enginn fótbolti, bara skóli og tjill. Nú er ég hinsvegar kominn með mikla löngun í það að fara í fótbolta og það mun gerast á morgun, ég ætla að fara á æfingu og taka vel á því. Ég ætla að vera extra duglegur að æfa í vetur og svo sjá hverju það skilar mér, vonandi einhverju góðu.

Ég leigði mér spólu í gær, Italian job. Mynd sem ég gef hiklaust 4 stjörnur af 5. Mér finnst hún mjög töff.

Það er mjög mikið af einhverju drasli sem er að veltast um í kollinum á mér þessa dagana og eiginlega of mikið. Ég er of mikið að pæla eitthvað.

Ég er samt búinn að komast að því núna síðustu daga að ég er alveg geðveikur í skapinu. Nánast. Er það eðlilegt? Ég er með mjög stuttan kveikiþráð og það má lítið útaf bregða svo ég hreinlega missi mig ekki og stundum fer það algjörlega á vitlausa aðila eins og mömmu eða litlu systir mína. Ég veit ekki hversu oft ég hef orðið pirraður útí þær útaf einhverjum smáhlutum sem skipta litlu sem engu máli. Ég ætla rétt að vona að þetta fari að eldast af manni og maður fari eitthvað að þroskast. Annars held ég að ég kenni fótboltanum um þetta skap, keppnisskapið. Ég ætla héðan í frá að hugsa mig tvisvar um áður en ég æsi mig aftur við einhverja í fjölskyldunni, því það er jú hún sem skiptir mann mestu máli.

Ég skoða mörg blogg og ég á minn daglega blogg hring eins og margir. Ég lendi stundum á síðum sem ég veit ekkert hverjir eiga. Það er samt gaman. Skoða líka mikið af myndum á síðunum og ég þoli ekki þegar ég ætla að skoða myndir og þær eru á photos.heremy. Það er ekki að virka hjá mér, veit ekki afhverju, bara opnast ekki. En já, ég skoða mjög oft síðu hjá strák sem heitir Haddi og tók þátt í Herra Ísland. Hann er já…skoðið þetta (www.blog.central.is/haddi84). Kannski ágætis strákur en hann lítur ekki vel út, þá meina ég ekki í útliti heldur persónu ef eitthvað er að marka þetta blogg hjá honum.

This is my life,
its not what it was before.
All these feelings i've shared
and these are my dreams
that i'd never lived before.

Ég hef nú lítið að segja, annað en það að ég er ekki frá því að ég sé veikur, eins leiðinlegt og það nú er. Ég læt það samt ekki stoppa mig í morgun, fór og spilaði fyrir Flensborg í framhaldsskólamótinu. Við unnum alla okkar leiki og ég eiginlega verð að taka það fram að ég setti þrennu í seinasta leiknum. Takk. Allan þennan tíma var ég að deyja í maganum og beinverkir farnir að segja vel til sín en nei, ég er fokkings harður. Afmæli hjá Bellu í gær, það var fínt. Eða bara gaman. Er núna að fara í pizzu hjá tvíburunum Davíð og Bjarka í boði flensunnar, samt ekki fuglaflensunnar. Ætla ekki að stoppa lengi þar sem ég ætla að fara heim og leggjast upp í rúm. Mamma er reyndar að halda uppá afmælið sitt þannig maður verður að blanda einhverju geði við þetta blessaða frændfólk mitt, sem ég þekki nú mismikið. Vonandi slepp ég vel.

Ást og hamingja

Mér stendur ekki á sama hvað varðar helvítis fuglaflensuna sem gjörsamlega fyllir alla helstu fréttatíma fyrir utan Baugsmálið sem fer jafn mikið í taugarnar á mér og Kristín Magnúsdóttir. Það fer líka í taugarnar á mér þegar Haraldur Briem sem er sóttvarnarlæknir held ég, er í fréttunum að tala um fuglaflensuna og segir að það sé ekki spurning hvort heldur hvenær hún komi til landsins og kannski að við íslendingar eigum ekki nægilega mikið af lyfjum til þess að geta bólusett alla. Hann segir líka að það séu miklar líkur á að mikið af fólki hér á landi muni deyja ef hún komi hingað sem allar líkur benda til að hún muni gera þar sem hún var að finnast í Tyrklandi og Rúmeníu í gær. Ég neita því ekki, þar sem ég er mjög svona sjúkdómahræddur að ég er orðinn alveg vel smeikur og ég veit ekki hvað ég mun gera ef hún kemur til landsins. Eflaust læsa mig inn í herbergi.

Bekkpressukeppni í hádeginu, Addi sýra vann. Addi nettur.

Ég er ekki sáttur við Bóbó. Hann átti að setja inn pistil hér á miðvikudaginn en hann ákvað að taka sér viku pásu þannig að ég treysti á það að það muni koma feitur pakki frá honum í næstu viku.

Ásgeir og Logi landsliðsþjálfarar eru hættir eða samningur þeirra var ekki endurnýjaður, fínt. En það fer samt ótrúlega í taugarnar á mér þegar furðufuglar eins Henry Birgir Gunnarsson ákveða skíta yfir þá eins og hann gerði í Fréttablaðinu í morgun. Allt sem Henry hefur gert sem íþróttafréttamaður er asnalegt og lélegt. Í fyrsta lagi hefur hann ekki hundsvit á fótbolta og í öðru lagi er hann feitur og með ljótt skegg. En samt sem áður þá var þetta ekki nógu góður árangur hjá Loga og Ásgeiri. Fer bara í taugarnar á mér þegar fitubollur eins og hann eru að tjá sig um eitthvað sem þeir vita ekkert um.

Willum og Jolli orðaðir við stöðuna. Mér lýst vel á það en mér lýst ekki vel á það að missa Willum sem hefur verið mjög góður fyrir mig. Lært mikið af honum og hann hefur bætt mig mikið sem markmann. En nóg um það og þetta er víst staða sem allir þjálfarar vilja, þannig það væri bara ánægjulegt ef hann fengi hana.

Helgin verður í rólegri kantinum. Ælta ekki að gera neitt í kvöld. Á morgun verður svo eitthvað tekið á því, en ekkert of mikið. Sunnudagurinn fer svo bara í lærdóm og hvíld.

Sögur segja að Danni hafi verið fluttur á spítala í gær eftir að aðeins tveggja lotu bardaga við Gísla Jón, handboltahetju úr Haukum. Ég vissi það. Aldrei myndi mér detta það í hug að fara að boxa á móti Gísla. Myndi ekki nenna að rústa honum.

• Bjarni Þór er í byrjunarliði U21 í kvöld á móti Svíum
• Er á miðjunni með Dabba bróður sínum
• Nett
• Til hamingju Baddi
• Nettur
• Gunna Bjarna eflaust frekar sátt
• Vona að ég hitti hana bráðlega
• Hún er skemmtileg
• Damien Rice er snillingur
• James Blunt er sætur
• Ég er samt ekki hommi
• Ég slétti samt á mér hárið í gær
• Sunna gerði það
• Afþví hún fílarða
• Reina er geggjaður og endalaust svalur
• Jón Ásgeir er nettur
• Davíð Oddsson er ekki nettur
• Þetta Baugsmál fer í taugarnar á mér
• Þó ég sé ekkert inn í því
• Kastljósið nýja er gott
• Jónína Ben var næstum því farin að gráta í þættinum í gær
• Og þá var honum hætt
• Mér fannst það asnalegt
  
• Stöð 2 að skíta á sig
• Ég held að það sé gott
• Sunna er kominn með Enska boltann stöðina
• Samt horfir enginn á fótbolta í hennar fjölskyldu
• Ég er ánægður
• Ég man eftir David Ginola
• Hann var góður
• Og svo varð hann lélegur
• Eins og Li Tie hjá Everton
• Jonathan Stead í Sundarland
• Er lélegur
• Og hann er í enska boltanum
• Þá eru allar hurðir opnar fyrir Björn Inga að komast þangað
• Todmobile er glatað band
• Andrea Gylfa er ljót
• Only god knows why er geggjað lag
• Kid Rock er fáránlega kúl
• Krissi Helga vinur minn er óheppinn
• Ekki nett
• Enska er mál fyrir ljótt fólk eins og Wayne Rooney
• DB ætti að tala ítölsku
• DB = David Beckham
• Hún er töff
• Þá meina ég ítalskan
• Því David Beckham er ekki hún
• Það halda allir að ég sé ítali
• Kannski afþví að ég er svo dökkur
• Íslenski Bachelor þátturinn er fyndinn
• Leiðinlegur
• Ógeðslegur
• Með ljótum konum
• Fáránlegum gaur
• Og með asnalegum kynni
• Glataður
• Hættur núna
• Ég ætla samt ekki að enda þetta eins og allir sem gera svona punktafærslu með því að segja hvað þetta hafi verið asnalegt hjá mér að gera þetta.
• Afþví mér finnst þetta var nett og töff

Verð að byrja á því að hrósa James Blunt. Ég veit að hann var ekki að blossa upp í gær og platan hans var ekkert að koma út í dag, en þrátt fyrir það þá verð ég að segja hversu endalaust góð þessi plata er “Back to Bedlam”. Fyrsta lagið sem ég, eins og kannski flestir aðrir heyrðu með honum var You’re beautiful. Þegar ég heyrði það lag first fannst mér það ekkert spes en við frekari hlustun þá var það eitt af mínum uppáhaldslögum. Það var svo ekki fyrr en fyrir nokkrum dögum eða u.þ.b. viku sem ég fékk þessa plötu lánaða frá kærustunni minni og þá byrjaði að hlusta á hann að einhverri alvöru og platan hans hefur verið í spilun hjá mér síðan. Lög eins og Tears and Rain, Wise Man, Goodbye my lover, Billy, High og svo að sjálfsögðu You’re beautiful, sem reyndar er orðið dálítið þreytt eftir mikla spilun í útvarpi eru algjör snilld og get ég varla gert upp á milli þessara laga. Öll platan er reyndar alveg drullu góð en þetta eru svona lög, þið vitið, sem maður hlustar mest á. Allavega ég. Það eru ekki allir, hversu lengi og góðir sem þeir eru sem koma með svona þétta og góða plötu og þar að auki er þetta hans fyrsta plata. Hann á eitt annað útgefið lag fyrir utan þessi sem á plötunni eru og það heitir Sugar-Coated, drullu flott, skil ekki hversvegna það komst ekki fyrir á þessari skífu. Það eru margir sem kalla hann Damien Rice wannabe en mér finnst það bara vera bull, hann er með ótrúlega rödd og hún myndi eflaust ekki pass við neina aðra týpu af tónlist. Þó svo að ég hafi ekki mikið vit á tónlistareinkunnarstjörnugjöf þá myndi ég gefa “Back to Bedlam” fjórar stjörnur af fimm mögulegum. Vel gert James Blunt.

Var að ljúka við lestur á Mýrinni. Spennusaga eftir Arnald Indriðason, og hún gjörsamlega límdi mig við sig kennslustund eftir kennslustund. Gott mál. Ekki vissi ég að einhver íslendingur gæti gert svona bók, venjulega er allt sem við gerum eitthvað bölvað bull sem á sér ekkert stoð í raunveruleikanum, eins og hann er núna þar að segja. Framleiðsla á mynd eftir þessari bók er hafin og bíð ég spenntur eftir að sjá útkomuna. Ég ætla þó ekki að gera mér of miklar vonir því seinast íslenska spennumynd sem ég sá var Sporlaust og, guð minn almáttugur. Hún var það léleg að Peter Crouch væri fyrr búinn að skora mark fyrir Liverpool áður en hún kæmi út á DVD. Ok, lélegur þessi. En Ingvar E. Sigurðsson mun fara með aðalhlutverk myndarinnar og Baltasar Kormákur leikstýrir. Lýst vel á þessa blöndu, hlakka mega til.

Djöfull er helgin mín búin að vera róleg. Er ekki búinn að gera neitt, það erfiðasta er búið að vera þegar ég hef nennt að standa upp til þess að fá mér að borða. Svo mikil átök hafa verið þessa helgina. Ég er búinn að komast að því að “djammi” fylgir algjört tilgangsleysi. Hvað er gaman við það að vera fullur niðrí bæ, hanga í röð í brjáluðu veðri til þess að komst inná ömurlega skemmtistaði sem allir eru með nýja diskinn frá Black eyed peas á repeat. Samt dilla sér allir yfir þessu, þar á meðal ég þegar svo ólíklega vill til að ég læt mig hafa það að fara í bæinn. Svo þegar maður loks drullast til þess að labba útaf staðnum þá fljúga mistóm bjórglösin yfir Laugaveginn þannig að maður má hafa sig allan við að fá ekki þennan óbjóð í andlitið. Eftir þetta allt tekur svo við tveggja og hálfs tíma röð eftir leigubíl sem kostar þrjúþúsund kall til Hafnarfjarðar. Frábært, mega gaman, ýkt ógeðslega flippað og geggjað nett.

Stefán "gestahöfundur" Þórarinsson mættur í hús.

Blóð sviti og tár hafa fallið til að þóknast banhungruðum pistlaaðdáendum mínum, hér er svo útkoman.

Þá er maður mættur með sinn annan pistil og mun sá ef til vill vera í væmnari kantinum. Ástæður þess eru margvíslegar, en beinast liggur við að kenna Tómasi heitnum Guðmundssyni, ljóðskáldi og mikilmenni um þessa tilfinningalegu nánd sem hellist yfir mann á nöprum haustdögum. Er ég reyndi að skilja hvaðan Tómas kom, eða hvert hann var að fara með ljóðabók sinni “Við sundin blá” varð mér hugsað til ástarinnar. Ekki kemur það ýkja á óvart þar sem “Við sundin blá” fjallar um fátt annað en hina óhefluðu tilfinningu sem ástin er. Hvort sem það er ást á fráfallandi ættingja, ást á hinum friðsæla firði þar sem vorkvöldum var eytt með dásemdar augum yfir hvernig einfaldleiki náttúrunnar veitir manni frið, að ógleymdri auðkenndari ást, ástin á the hoez. Þá hafði hún alltaf mikil áhrif, jafnvel truflaði daglegt amstur svo um munaði, hugsanir leituðu alltaf á sama veg , hvað sem maður reyndi að forðast hana. Maður innilokaðist í sínum eigin huga, fangi innan sjálfs síns, fjötraður sem skynlaus maður. En hvað með það, hver er ekki tilbúinn að fórna veraldlegum gæðum fyrir hamingjuna, og þegar þú lest þetta þá hljómar þetta alveg sjálfsagt, en í raun og veru myndir þú hugsa þig tvisvar ef ekki oftar um að gefa fataskápinn þinn fyrir möguleikan á hamingju. Líf okkar snýst að mestu leiti, ef ekki öllu leiti um okkar eigin vellíðan, en svo einkennilega virðist, sem að við eigum erfitt með að vita hvað veitir okkur vellíðan, við teljum okkur trú um að nýja myndin í bíó muni veita okkur gleði, og er það rétt, en sú gleði er ekki hin rétta, verulega, hreina gleði, aðeins skammgóður vermir. Ef ekki nýja ræman í kvikmyndahúsunum, þá nýja fatalínan frá boss eða Diesel og ef þið eruð artý týpurnar, þá er það nýja gamla flíkin í spútník, en eins og með myndina er það aðeins veraldlegur hlutur sem í raun gefur okkur ekkert nema afsökun til að þurfa ekki að leggja okkur fram svo framlagið verði ekki aðeins dropi í hafi, heldur allavega bára, jafnvel alda, þótt lítil hún verði.

Hin hreina hamingja verður ekki skilgreind hér, og tel ég að enginn geti í raun útskýrt hana með orðum, en þeir sem næst komast því að skilja hana eru þeir sem neita öllum veraldlegum gæðum og finna gleðina í sjálfum sér. Skiljanlega hljómar þetta eins og talað út úr munni hræsnara sem situr við rándýru tölvuna sína á meðan hann horfir á sjónvarpið og er það rétt, ég er jafn mikill hræsnari og allir hinir en ég veit af því og ég hyggst breyta því. En í millitíðinni er ég eins og allir aðrar í þessum skrítna heimi sem vilja eiga “réttu” fötin, og vera með “réttu” hárgreiðsluna, bara vegna félagslegs þrýstings samfélagsins. En mín spurning er sú, hvað á nágranni minn með það að dæma mig fyrir útlit mitt, af hverju segja ytri gæði eitthvað um minn innri mann, er einhver svo fullkominn að hann hafi eitthvað með það að dæma þann næsta.

Svo virðist sem ég segi þetta aðeins sem kenningu, en í raun er þetta sannað. Heilaarit, svokallað MRI-scan, var tekið af Búddamunk rétt eftir hugleiðslu fyrir ekki svo löngu. Kom þá bersýnilega í ljós að þau svæði sem stjórna gleði, skynsemi og rökhugsun voru mun virkari en hjá hinum sívinnandi, vestræna glæsikerrueiganda. En það sem hinsvegar einkenndi seinni týpuna var stress og vanlíðan. Þar sást einfaldlega að ásókn okkar í meira og meira er ekkert nema óeftirsóknavert hugarástand. Ég geri mér grein fyrir því að þetta er í raun ekki hverjum og einum að kenna, einstaklingurinn mótast auðvitað að samfélaginu sem hann elst upp í, en það er honum að kenna ef hann reynir ekki af öllum sínum mætti að breytar rétt, finna hamingjuna og deila henni.

Hættum að reyna að vinna næsta mann, reynum frekar að samgleðjast og finna okkar farveg á þessum alltof stutta tíma sem við höfum. Látum ekki tilviljanir ráða okkar sess í lífinu, búum til okkar eigin örlög.

Lifið Heil

Lag dagsins:
Breathe með Sign

Fullkomnun, fokkin' ossom